Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 347 Hüküm no: 348 Orijinal metin no: [52a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un küçük oğlu Mustafa’nın yanında kalması şartıyla nafaka talebinde bulunmayacağı Nafaka Derûn-ı hüccet-i nafakada mezkûretü’l-ism olup zâtı ta‘rîf-i şer‘î ile mu‘arrefe olan Fâtıma Hatun meclis-i şer‘-i hatîr-ı lâzımü’t-tevkīrde zevc-i sâbıkı bâ‘isü’l-vesîka Molla Mehmed muvâcehesinde mezbûrun firâşından hâsıl ve benden mütevellid işbu sagīr oğlum Mustafa’nın nafaka ve kisvesi’çün babası mezbûr Molla Mehmed üzerine kıbel-i şer‘den yevmî ikişer para farz ve takdîr olunmuş idi, lâkin mezbûr Molla Mehmed sagīr-i mezbûrun hakk-ı hıdânesi senden sâkıta olmağla taleb ederim deyü benden da‘vâ sadedinde olmağın beynimizde muslihûn tavassut edip ben sagīr-i mezbûru fîmâ-ba‘d kendi mâlımdan infâk ve iksâ etmek üzere ta‘ahhüd eylediğimde ol dahi râzı olup sagīr-i mezbûru yedimden nez‘ etmemek üzere ta‘ahhüd etmeğin gıbbe’t-tasdîkı’l-mer‘î mâ-vaka‘a bi’t-taleb ketb olundu. Fî 4 Ra sene 1153. Şuhûdü’l-hâl: es-Seyyid Mustafa b. es-Seyyid Hasan, el-Hâc Mustafa b. el-Hâc Mehmed, Mehmed b. İbrahim, Şa‘bân b. (°)