Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 353 Hüküm no: 356 Orijinal metin no: [53a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia bt. Ömer’in eşi İbrahim’den muhâlaa yoluyla boşandığı Mahmiye-i İstanbul’da Sultan Mehmed kurbünde Haraçcı Muhyiddin mahallesinde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Râbia bt. el-Hâc Ömer nâm hatun meclis-i şer‘-i hatîr-ı lâzımü’t-tevkīrde zevc-i dâhili işbu bâ‘isü’l-vesîka İbrahim Beşe b. Ali nâm kimesne mahzarında ikrâr-ı tâm ve takrîr-i kelâm edip mezbûr İbrahim Beşe zevcim olup mezbûrun zimmetinde mütekarrer ve ma‘kūdün-aleyh iki bin akçe mehr-i müeccelimin bin iki yüz akçesini zevcim mezbûr İbrahim Beşe bana def‘ ü teslîm ben dahi yedinden ahz u kabz eylediğimden sonra bâkī sekiz yüz akçe mehr-i müeccelim ve nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr İbrahim Beşe ile muhâla‘a-i sahîha-i şer‘iyye ile hul‘ olduğumda ol dahi ber-vech-i muharrer hul‘-i mezkûru ba‘de’l-kabûl hukūk-ı zevciyete ve târîh-i vesîkaya gelince sâir hukūk-ı ma‘lûme ve mechûleye müte‘allıka âmme-i de‘âvî ve kâffe-i mutâlebâtdan her birimiz âharın zimmetini ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 6 Ra sene 1153. Şuhûdü’l-hâl: Mustafa b. Mehmed, Süleyman b. Ahmed, Hasan b. Mehmed, Ali b. Abdullah