Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 368 Hüküm no: 370 Orijinal metin no: [56b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arakil’in buğday ücretinden Kostantin’e borcu olduğu Sefîne reislerinden Kostantin zimmî Bâb Mahkemesi’nde meclis-i şer‘de Arakil zimmî muvâcehesinde mezbûr Arakil bundan akdem yedimden iştirâ ve kabz eylediği ma‘lûmü’l-mikdâr buğday semeninden ba‘de külli’l-hesâb zimmetinde yirmi üç guruş hakkım kalmağla taleb ederim deyü da‘vâ eyledikde ol dahi ikrâr etmeğin mûcebince meblağ-ı mezbûru müdde‘î-i mezbûra edâya merkūm Arakil zimmîye tenbîh olunduğu huzûr-ı âlîlerine i‘lâm olundu. Bâkī fermân men-lehü’l-emrindir. Fî 18 min-Zilka‘de sene 1152.