Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 369 Hüküm no: 372 Orijinal metin no: [56b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mimar Kemâl mahallesi ahalisinin, kerpiçhanede sakin Ömer’in kanunsuz hareketlerinden rahatsız oldukları Ma‘rûz Ashâb-ı arzuhâl Mimâr Kemâl mahallesi imâmı İsmail Efendi ve Çoban Çavuş mahallesi imâmı es-Seyyid Osman Efendi ile ahâlîlerinden Müezzin el-Hâc İbrahim ve Müezzin es-Seyyid Süleyman ve el-Hâc Halil ve Ali Çelebi ve Yahya Ağa ve el-Hâc Mehmed ve diğer Mehmed ve Mustafa Ağa nâm kimesne Bâb Mahkemesi’nde meclis-i şer‘de derûn-ı arzuhâlde mezkûrü’l-ism olup kerpiçhanede sâkin Ömer nâm kimesne muvâcehesinde mezbûr Ömer kendi hâlinde olmayıp dâimâ tezvîrâtdan olduğundan mâ‘adâ ba‘zı mezmûm kimesneleri ve kârhânecileri menzillere ve kerpiçhâneye vaz‘ ve iskân ve cemî‘ menhiyyâtı mürtekib olmağla mezbûr Ömer’den bir vechile emniyet ve râhatımız yokdur deyü mezbûrun muvâcehesinde teşekkî ve mezbûr Ömer mahalleyn-i mezkûreynden ihrâc olunmak üzere fermân-ı âlî ricâ eyledikleri ma‘lûm-ı devletleri oldukda emr ü fermân men-lehü’l-emrindir. Fî 19 min-Zilka‘de sene 1152.