Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 370 Hüküm no: 373 Orijinal metin no: [56b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nalçacılar Kethüdası Halil’e kethüdalık beratı verilmesi Kethüdâ-yı nalçacılar bâ-mühr-i efendi Nalçacılar esnafının yiğitbaşıları Ahmed Çelebi ve du‘âcıları Mehmed Efendi ve hırfet-i mezbûre ve nalburlardan yirmi nefer kimesneler meclis-i şer‘de arzuhâl sâhibi Halil b. Mustafa muvâcehesinde bâlâda derkenâr olunduğu üzere bâ-berât kethüdâmız olan Mehmed mukaddemâ fevt olup kethüdâlık mahlûl oldukda cümle esnafımızın muhtârı olan mezbûr Halil’i re’yimiz üzere kethüdâlığımız umûrunda istihdâm olunmuş idi. Ancak yedinde berâtı olmayıp ve cümlemiz kendüden râzı ve hoşnûd olduğumuza binâen kethüdâlık-ı mezbûr müteveffâ-yı mezbûrun mahlûlünden mezbûr Halil üzerine tevcîh ve yedine berât-ı âlîşân sadaka ve ihsân buyrulmak ricâsında oldukları iltimâslarıyla huzûr-ı âlîlerine i‘lâm olundu. Bâkī emr ü fermân hazret-i veliyyü’l-emrindir. Hurrire fî 20 min-Zilka‘deti’ş-şerîfe sene 1152.