Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 370 Hüküm no: 374 Orijinal metin no: [57a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mühtedi Mustafa’nın alacak davasında sulh olduğu Bâ-mühr-i efendi Sâhib-i arzuhâl mühtedî Mustafa dîvân-ı âlîlerinde Tabib David nâm Yahûdi ile mürâfa‘a olduklarında mezbûr David on ay mukaddem kendi sâkin olduğu Yahûdihâne’de benim bi-gayr-ı hakkın iki yüz guruşumu ahz etmişdir deyü eylediği da‘vâsını merkūm David ba‘de’l-inkâr tavassut-ı muslihîn ile mezbûr mühtedî Mustafa da‘vâ-yı mezbûresinden an-inkâr yüz beş guruş bedel-i makbûza merkūm David’in vekîli Salomon ile meclis-i şer‘de sulh olup husûs-ı mezbûra müte‘allıka âmme-i da‘vâdan merkūm Tabib David’in zimmetini ibrâ eylediği ba‘de’t-tescîl huzûr-ı âlîlerine i‘lâm olundu. El-emru li-men-lehü’l-emr. Fî 14 Zilka‘de sene 1152.