Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 372 Hüküm no: 377 Orijinal metin no: [57a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Acem asıllı Zeyneb ve oğlu Mustafa’nın azat edilmeleri Ma‘rûz Ma‘rûz-ı dâ‘î-i devlet-i aliyyeleridir ki, Sâhibe-i arzuhâl Zeyneb Mahkeme-i Bayezid’de meclis-i şer‘de kendüye ve oğlu İsmail’e rık olmak üzere vâzı‘u’l-yed olan Mustafa Efendi nâm kimesne muvâcehesinde, mezbûre Zeyneb medîne-i Tebriz ahâlîsinden bâ-fermân-ı âlî sebîlleri tahliye olunan Müslimeyü’n-neseb Acem cinsinden olup mezbûr İsmail dahi sadrî oğlu olduğunu da‘vâ ettikde mezbûr Mustafa Efendi dahi ber-vech-i muharrer mezbûre Zeyneb Müslimeyü’n-neseb Acem cinsinden ve mezbûr İsmail sadrî oğlu olduğu ikrâr ve i‘tirâf etmeğin mûcebince mezbûre Zeyneb ile merkūm İsmail’in ber-mûceb-i fermân-ı âlî sebîlleri tahliye olunduğu huzûr-ı âlîlerine i‘lâm olundu. Bâkī fermân men-lehü’l-emrindir. Fî 19 Zilka‘de sene 1152.