Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 373 Hüküm no: 379 Orijinal metin no: [57b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed’in evinde oturan Mosi’nin, ev sahibinin isteği üzerine on gün içinde evi boşaltacağı Sâhib-i arzuhâl el-Hâc Ahmed kendiden asâleten ve zevcesi Hadîce Hatun’un vekîl-i sâbitü’l-vekâlesi olmağın vekâleten Bâb Mahkemesi’nde meclis-i şer‘de derûn-ı arzuhâlde mezkûrü’l-ism Mosi nâm Yahûdi muvâcehesinde mersûm Mosi Balat kurbünde Hacı İsa mahallesinde vâki‘ mülküm olan Yahûdihâne ta‘bîr olunur menzilimi tarafımdan rü’yet ve ikāmete ve cem u tahsîle odabaşım olup ve hizmeti mukābelesinde dahi meccânen sâkin olmak üzere kendüye bir bâb oda ta‘yîn etmiş idim. Lâkin mesfûr Mosi ve zevcesi gāibe ani’l-meclis Saltana’dan hoşnûd ve râzı olmadığıma binâen mesfûr Mosi Yahûdi menzil-i mezbûrdan ihrâcını taleb eylerim deyü da‘vâ eyledikde mesfûr Mosi Yahûdi, hâl vech-i muharrer üzere olduğunu ba‘de’l-i‘tirâf târîh-i i‘lâmdan on gün tamâmında menzil-i mezbûrdan hurûca ta‘ahhüd eylediği huzûr-ı âlîlerine i‘lâm olundu. Bâkī emr ü fermân men-lehü’l-emrindir. Fî 11 Zilka‘de sene 1152.