Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 384 Hüküm no: 405 Orijinal metin no: [59a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalogarye’nin Bağşer’de ölmüş olan babasına ait kürkler olduğuna dair iddiasını ispatlayamadığı Bâ-mühr-i efendi Ma‘rûz Sâhibe-i arzuhâl Kalogarye nâm Nasrâniye dîvân-ı âlîlerinde Bağşer nâm zimmîden bir sene mukaddem hâlik olan oğlum Yani zimmînin hasren vârisi olmağla hâlik-i merkūmun mâlından Mahmud Paşa’da Kaliçeciler Hanı’nda odasında olan mecmû‘u bin guruş kıymetli iki tahta samur kürk ve beş tahta kakum kürk ve on tahta sincap kürk ve on tahta su samuru kürk ve beş tahta tilki nâfesi kürkü merkūm Bağşer zimmî bi-gayr-ı hakkın kabz etmekle taleb ederim deyü ba‘de’d-da‘vâ ve’l-inkâr müdde‘iye-i merkūma müdde‘âsını isbât için bi’d-defa‘ât imhâl olunup her müddetde müddet-i mehil tamâm olup ityân-ı beyyineye kādire olmadığından mâ‘adâ merkūmenin müdde‘âsında şirret ve tezvîr dahi fehm olunmağla mezbûra Kalogarye bilâ-beyyine-i âdile bi-gayr-ı vechin mu‘ârazadan men‘ olunduğu huzûr-ı âlîlerine i‘lâm olundu. El-emru li-men-lehü’l-emr. Bâkī emr men-lehü’l-emrindir. Fî 27 min-Zilka‘de sene 1152.