Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 388 Hüküm no: 413 Orijinal metin no: [60a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nevrekob’da doğancı ve çakırcılarının kanunsuz paralarını alan Molla İbrahim hakkındaki davaya Nevrekob kadısının bakması Bâ-mühr-i efendi Nevrekob kazâsına tâbi‘ Kaprilan nâm karye ahâlîsinden çakırcı ve doğancı re‘âyâsından olan cem‘-i kesîr zimmîler taraflarından vekâlet iddi‘â eden Yovan ve Avram nâm zimmîler meclis-i şer‘de karye-i mezbûre müstelzimi olan sâhib-i arzuhâl Molla İbrahim ile mürâfa‘a olduklarında bizler çakırcı ve doğancı re‘âyâlarından olup yedimizde cemî‘ tekâlîfden mu‘âfnâmemiz var iken hilâf-ı emr-i âlî müvekkilleri olduğumuz re‘âyâdan ma‘lûmü’l-mikdâr akçelerini mezbûr İbrahim almışdır mezbûrun bi-gayr-ı vechin aldığını bi’l-vekâle taleb ederiz deyü umûm re‘âyâ taraflarından eyledikleri vekâletin sübûtu bu tarafda müte‘assir olmağla tarefeyn rızâlarıyla husûs-ı mezbûr Nevrekob kādısı huzûrunda mürâfa‘a olunup ihkāk-ı hak olunmak bâbında fermân-ı âlî iltimâs eyledikleri huzûr-ı âlîlerine i‘lâm olundu. Fî-selhi Zilka‘de sene 1152.