Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 389 Hüküm no: 415 Orijinal metin no: [60a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali’nin boşandığı hanımı Afife’de alacağı olduğuna dair iddiasını ispatlayamadığı Bâ-mühr-i efendi Ma‘rûz Sâhibet-i arzuhâl Afife’nin zevc-i mutallıkı el-Hâc Ali dîvân-ı âlîlerinde mezbûre Afife Hatun’un vekîl-i sâbitü’l-vekâlesi el-Hâc Mustafa mahzarında mezbûre Afife ile zevciyet beynimizde kāime iken benden istikrâz ve kabz eylediği bâ-temessük iki yüz yetmiş beş guruşu müvekkile-i mezbûreden taleb ederim vekîl-i merkūma suâl olunsun deyü ba‘de’d-da‘vâ vekîl-i mezbûr cevâbında mezbûr el-Hâc Ali altı ay mukaddem müvekkile-i mezbûreyi tatlîk ettikde hukūk-ı zevciyete ve gayre müte‘allıka âmme-i da‘vâdan müvekkile-i mezbûrenin zimmetini ibrâ edip hattâ işbu sene Ramazan’ında dahi ibrâ eylediğini alâ-ruûsi’l-işhâd ikrâr ve i‘tirâf etmişdir deyü ba‘de’d-def‘ ve’l-inkâr vekîl-i mezbûr def‘-i mezkûrunu el-Hâc Ahmed b. Mustafa ve el-Hâc Veli b. Hüseyin nâm şâhidân-ı mu‘addilân şehâdetleriyle meclis-i şer‘de vech-i şer‘î üzere isbât etmeğin mezbûr el-Hâc Ali bi-gayr-ı vechin mu‘ârazadan men‘ olunduğu huzûr-ı âlîlerine i‘lâm olundu. Fî-gurreti Zilhicce sene 1152.