Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 389 Hüküm no: 416 Orijinal metin no: [60a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Turşucu Toros’un turşucu esnafının nizamına uyacağını taahhüt ettiği Ma‘rûz Turşucu esnafının kethüdâsı Hasan Bey b. Ahmed ve yiğitbaşısı Ahmed b. Ali ve ihtiyârlarından es-Seyyid İbrahim b. es-Seyyid Ebubekir ve Hasan b. Süleyman ve diğer Hasan b. Hüseyin ve sâirleri Mahkeme-i Bâb’da meclis-i şer‘de Muhzır Mustafa mübâşeretiyle ihzâr ettirdikleri Toros v. Vartan zimmî muvâcehesinde mezbûr Toros esnafımızdan olup lâkin beynimizde verilen nizâm-ı kadîmîmize mugāyir vaz‘ u hareket ve kethüdâ ve ustalar ma‘rifetlerinsiz turşucu dükkânı ihdâs ve bey‘ ü şirâ etmeleriyle nizâmımızın ihtilâline bâ‘is olmağla men‘ olunması matlûbumuzdur deyü teşekkî ettiklerinde mezbûr Toros dahi fîmâ-ba‘d kethüdâ ve ustalar ma‘rifetinsiz ve nizâm-ı kadîmlerine mugāyir vaz‘ u hareket etmemek üzere ta‘ahhüd edip ol vechile kat‘-ı nizâ‘ eyledikleri huzûr-ı âlîlerine i‘lâm olundu. Fî 2 Zilhicce sene 1152.