Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 392 Hüküm no: 421 Orijinal metin no: [60b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Asvador’un bir miktar parayı İram’a emanet olarak verdiğini ispatlayamadığı Ma‘rûz Arzuhâl eden Asvador v. Hanşor zimmî Bâb Mahkemesi’nde meclis-i şer‘de arzuhâlde mezkûr İram zimmî muvâcehesinde gāib ani’l-meclis Bosnalı Memiş Bakır kimesne İstanbul’da İne mahallesinde vâki‘ vakıf menzilini târîh-i kitâbdan üç sene mukaddem bana sekiz yüz guruş bedel mukābelesinde fâriğ olmak üzere mukāvele olunup ve meblağ-ı mezbûrun ben üç yüz guruşunu cem‘ ve mezbûr İram’a emânet koyup mâ‘adâ altı yüz guruşu dahi getirdiğimde menzil-i mezbûru merkūm Memiş bana ferâgat edecek olmuş idi. Lâkin meblağ-ı mezbûr beş yüz guruşun cem‘i benim için mümkün olmamağla merkūm Memiş dahi menzil-i mezbûru bana fâriğ olmamağın meblağ-ı mezbûr üç yüz guruşum mezbûr İram’ın zimmetinde kalmağla taleb ederim deyü ba‘de’d-da‘vâ ve’l-inkâr mezbûr Asvador müdde‘âsını beyâna mehil-i şer‘î birle imhâl ve müddet-i mehil mürûr ve bir vechile isbâta kādir olmamağın bi’t-taleb mezbûr İram’a vech-i şer‘î üzere yemîn verilip mezbûr Asvador bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 3 Zilhicce sene 1152.