Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 409 Hüküm no: 454 Orijinal metin no: [63a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Mustafa’nın kiraya verdiği eve altın gömdüğünü iddia eden hanımı Rukiye’nin iddiasını ispatlayamadığı Ma‘rûz İstanbul’da Ali Paşa-i atîk mahallesinden müteveffâ el-Hâc Mustafa’nın veresesinden zevcesi Rukiye Hatun Mahkeme-i Bâb’da meclis-i şer‘de müteveffâ-yı mezbûrun mahalle-i mezbûrede hayâtında sâkin olduğu menzilinde icâre ile sâkine olan Emetullah Hatun muvâcehesinde mezbûre Emetullah’ın sâkine olduğu menzilde nerdüban altında zemîne beş yüz altın defn eyledim deyü zevcin müteveffâ el-Hâc Mustafa’dan hayâtında istimâ‘ ederdin deyü ba‘zı kimesneler bana haber vermeleriyle hâlâ merkūme Emetullah menzil-i mezbûrda sâkine olmağın zikr olunan meblağ-ı mezbûrun mahalle-i mezkûrede bulup ahz etmişdir, binâen-aleyh hisse-i irsiyemi taleb derim deyü ba‘de’d-da‘vâ ve’l-inkâr mezbûre Rukiye müdde‘âsını isbâtdan ızhâr-ı acz etmekle bi’t-taleb mezbûre Emetullah’ın ba‘de’t-tahlîfi’ş-şer‘î mezbûre Rukiye bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 21 Zilhicce sene 1152.