Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 409 Hüküm no: 455 Orijinal metin no: [63b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Efendi’nin İsmail’e olan borcunun kalanını ödeyeceği Bâ-mühr-i efendi Sâhib-i arzuhâl İsmail meclis-i şer‘de derûn-ı arzuhâlde mastûrü’l-ism Mehmed Efendi muvâcehesinde mezbûr Mehmed Efendi zimmetinde cihet-i karzdan yirmi altı guruş ve semen-i mebî‘den yüz elli guruş ki cem‘an bâ-temessük hakkım olan yüz yetmiş altı guruşun otuz altı guruşundan mezbûr Mehmed Efendi’nin zimmetini ibrâ eylediğimden bâkī kalan mezbûr yüz kırk guruşu taleb ederim deyü da‘vâ ol dahi ikrâr ve i‘tirâf etmeğin mûcebince meblağ-ı bâkī-i mezbûr yüz kırk guruşun edâsına mezbûr Mehmed Efendi’ye tenbîh olunduğu huzûr-ı âlîlerine i‘lâm olundu. Fî 22 Zilhicce sene 1152.