Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 409 Hüküm no: 456 Orijinal metin no: [63b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud’un Ali Ağa’ya olan borcunu bir ay içinde ödeyeceği Bâ-mühr-i efendi Ma‘rûz Konevîzâde Ali Ağa b. Mustafa nâm kimesne meclis-i şer‘de Mahmud b. Ali nâm kimesne muvâcehesinde mezbûr Mahmud zimmetinde cihet-i karzdan hakkım olan iki yüz guruşu işbu târîh-i i‘lâmdan bir ay tamâmına değin edâ etmek üzere bi’t-terâzi imhâl eyledim dedikde mezbûr Mahmud dahi meblağ-ı mezbûr cihet-i mezkûreden zimmetinde merkūm Ali Ağa’ya deyni olduğunu ikrâr ve müddet-i mezkûre tamâmında edâya ta‘ahhüd eylediği huzûr-ı âlîlerine i‘lâm olundu. Fî 22 Zilhicce sene 1152.