Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 335 Hüküm no: 485 Orijinal metin no: [72b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Bey’in emaneten eş-Şeyh İbrahim Efendi’ye bıraktığı kitapları İbrahim Efendi’nin geri vermesi Üsküdar’da Gülfem Hatun Mahallesi’nde sâkin işbu râfi‘u’l-kitâb İbrahim Bey b. Şa‘ban mahfil-i kazâda eş-Şeyh İbrahim Efendi tarafından husûs-ı âti’z-zikre vekîl-i sâbitü’l-vekâlesi olan İbrahim Halîfe b. Kasım mahzarında üzerine da‘vâ edip târîh-i kitâbdan üç sene mukaddem Beyefendi nâm kimesne zimmetinde olan iki bin akçe deyni mukābelesinde bana rehin vaz‘ eylediği yirmi altı cild kitâbları müvekkil-i mezbûr eş-Şeyh İbrahim Efendi’ye îdâ‘ ve teslîm edip ol dahi istîd‘â ve tesellüm eylemişdi. Hâlâ taleb ederim suâl olunsun dedikde gıbbe’s-suâl vekîl-i mezbûr İbrahim Halîfe b. Kasım cevâbında müvekkil-i müşârun-ileyh eş-Şeyh İbrahim Efendi zikrolunan yirmi altı cild kitâbları müdde‘î-i mezbûr İbrahim Bey b. Şa‘ban’dan istîd‘â ve tesellüm eylediğini ikrâr u i‘tirâf etmeğin mûcebince müvekkil-i müşârun-ileyhe ol kitâbları yine müdde‘î-i mezbûra teslîm etmek üzere vekîl-i merkūma tenbîh-birle mâ-vaka‘a bi’t-taleb ketb olundu. Fi’l-yevmi’s-sâmin min-Zilhicceti’ş-şerîfe li-sene erba‘a ve sittin ve elf. Şuhûdü’l-hâl: Fazlullah Beşe çukadâr, İbrahim Çelebi b. Davud, Pîrî Beşe b. Hüseyin, Mehmed Çelebi b. Hüseyin ve gayruhum.