Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 335 Hüküm no: 486 Orijinal metin no: [72b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Bektaş’ın borcuna annesinin kefil olduğu Mahmiye-i İstanbul’da Zeyrek Mahallesi’nde sâkin işbu râfi‘u’l-kitâb Hüseyin Ağa b. Ali mahfil-i kazâda Mehmed b. Bektaş nâm kimesneyi ihzâr ve muvâcehesinde takrîr-i kelâm edip mezbûr Mehmed zimmetinde her vakıyyesi yetmiş beş akçeye olmak üzere yedinden müşterâ ve makbûz olan otuz üç vakıyye kahve bahâsından iki bin dört yüz yetmiş beş <> akçe hakkım vardır, suâl olunup hüccet-i şer‘iyye olunmak matlûbumdur dedikde gıbbe’s-suâl mezbûr Mehmed cevâbında fi’l-vâki‘ mezbûr Hüseyin Ağa’ya yedinden vech-i muharrer üzere iştirâ ve tesellüm eylediğim otuz üç vakıyye kahve bahâsından meblağ-ı mezbûr iki bin dört yüz yetmiş beş akçe el-ân mezbûr Hüseyin Ağa’ya zimmetimde lâzımü’l-edâ ve vâcibü’l-kazâ deynimdir deyü bi’t-tav‘i’s-sâf ikrâr u i‘tirâf ettikden sonra meblağ-ı mezbûrun cem‘îsine merkūm Mehmed’in vâlidesi işbu hâzıratü bi’l-meclis Emine bt. Abdullah nâm hatun emr ve kabûlü hâviye kefâlet-i sahîh-i şer‘iyye ile kefîl bi’l-mâl oldum dedikde mâ-hüve’l-vâki‘ bi’t-taleb ketb olundu. Fi’l-yevmi’l-hâmis min-Zilhicceti’ş-şerîfe li-sene erba‘a ve sittin ve elf. Şuhûdü’l-hâl: İbrahim Çelebi [b.] Davud, Pîrî Beşe b. Hüseyin, el-Hâc Şa‘ban [b.] Ahmed, Rıdvan b. Abdullah ve gayruhum.