Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 415 Hüküm no: 469 Orijinal metin no: [64a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed’in Minas’tan alacağı olduğunu ispatlayamadığı Ma‘rûz Çukadâr el-Hâc Ömer mübâşeretiyle Bâb Mahkemesi’nde ihzâr olunan Ekmekci Minas zimmînin hasmı Ahmed meclis-i şer‘de mersûm Minas muvâcehesinde târîh-i i‘lâmdan üç ay mukaddem mesfûr Minas zimmîye otuz dört guruş ikrâz ve teslîm eylediğimde ol dahi istikrâz ve tesellüm ve kendi mesârifine sarfla istihlâk etmeğin meblağ-ı mezbûr otuz dört guruşu mesfûr Minas zimmîden taleb ederim deyü ba‘de’d-da‘vâ ve’l-inkâr müdde‘î-i merkūm ber-vech-i muharrer müdde‘âsını beyâna kādir olma[ma]ğla mesfûr Minas zimmî bi’t-taleb tahlîf olunmağla mûcebince müdde‘î-i merkūm Ahmed bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 26 Zilhicce sene 1152.