Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 416 Hüküm no: 471 Orijinal metin no: [64b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehdizade Abdullah’ın çeşitli kişilere borcu olduğu ve ödemeye gücü olmadığı Sâhibe-i arzuhâl Arife Hadîce Hatun’un sadrî oğlu olup Bayram Paşa Zâviyesi Şeyhi Mehdîzâde es-Seyyid eş-Şeyh Abdullah sâdır olan fermân-ı âlîlerine imtisâlen Bâb Mahkemesi’nde meclis-i şer‘de dâyinleri es-Seyyid Ebubekir Efendi’ye iki yüz guruş ve es-Seyyid Abdurrahman’a yüz elli guruş ve Molla İbrahim’e seksen beş guruş ve İbrahim Çavuş’a otuz guruş ve Ahmed Efendi’ye on altı guruş ve Turşucuoğlu Mustafa’ya yüz sekiz guruş ve es-Seyyid Osman’a on altı guruş ve Ali Efendi’ye yirmi guruş ve Zaimzâde İbrahim’e on beş guruş ve Topcu Abdullah’a beş guruş ki cem‘an merkūmûna zimmetinde altı yüz kırk beş guruş deyni olduğunu ikrârıyla sâbit oldukdan sonra mezbûr es-Seyyid eş-Şeyh Abdullah meblağ-ı mecmû‘-ı mezbûru hâlâ edâya iktidârı ve üzerine lâbis olduğu libâsından gayrı ism-i mâl ıtlâk olunur bir nesnesi olmayıp mu‘dim ve mu‘sir olduğu ahvâline vukūf-ı tâmmı olan bî-garaz Müslimînden on beş nefer mazbûtü’l-esâmî kimesneler merkūmûn muvâcehesinde alâ-tarīkı’ş-şehâde haber verdikleri huzûr-ı âlîlerine i‘lâm olundu. Fî 21 min-Zilhicce sene 1152.