Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 336 Hüküm no: 487 Orijinal metin no: [72b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İlya v. Rafail’in susam yağı bahasından borcu olduğu İşbu bâ‘isü’l-kitâb Yusuf Bey b. Hüseyin el-yesârî mahfil-i kazâda Yahud tâifesinden olup Atalya cemâ‘atinden olan İlya v. Rafail muvâcehesinde üzerine da‘vâ ve takrîr-i kelâm edip mezbûr İlya zimmetinde yedinden müşterâ ve makbûz vezn ve mikdârı beynimizde ma‘lûm şîrugan bahâsından üç bin sekiz yüz akçe hakkım olmağla suâl olunup alıverilmesi murâdımdır dedikde gıbbe’s-suâl mezbûr İlya cevâbında fi’l-vâki‘ müdde‘î-i mezbûra vech-i muharrer üzere şîrugan bahâsından üç bin sekiz yüz akçe edâsı lâzım deynimdir deyü bi-tav‘ihi ikrâr u i‘tirâf etmeğin ikrârı mûcebince edâsına tenbîh-birle mâ-vaka‘a bi’t-taleb ketb olundu. Fî-evâili Zilhicceti’l-harâm li-sene erba‘a ve sittin ve elf. Şuhûdü’l-hâl: Pîrî Beşe b. Hüseyin, Mehmed Çelebi b. Hüseyin, İbrahim Çelebi b. Davud, Rıdvan Beşe [b.] Abdullah ve gayruhum.