Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 419 Hüküm no: 479 Orijinal metin no: [65a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manav olan Mehmed’in dükkânında gözleme ve lokum yapmasının nizama aykırı olduğu Bâ-mühr-i efendi Ma‘rûz Ashâb-ı arzuhâl Çörekciler Kethüdâsı es-Seyyid el-Hâc Mehmed ve Yiğitbaşı el-Hâc Mehmed ve esnaf-ı mezkûreden mazbûtü’l-esâmî Müslimîn derûn-ı arzuhâlde mastûrü’l-ism el-Hâc Mehmed muvâcehesinde çörek ve sâir bu misillü gözleme ve lokumcu dükkânı ihdâs olunmak memnû‘ olup arzuhâl-i mezkûrda muharrer dükkân kadîmden manav dükkânı iken derûnunda mezbûr el-Hâc Mehmed gözleme ve lokum işlemekle nizâmımıza halel verir deyü teşekkî ve men‘ olunmasını iltimâs eyledikleri huzûr-ı âlîlerine i‘lâm olundu. Fî 29 min-Zilhicce sene 1152.