Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 422 Hüküm no: 485 Orijinal metin no: [65b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yasef’in alacağı olduğunu ispatlayamadığı Derûn-ı arzuhâlde mezkûrü’l-ism Yasef zimmî Bâb Mahkemesi’nde meclis-i şer‘de sâhib-i arzuhâl Simyon zimmî muvâcehesinde mesfûr Simyon zimmînin karındaşı gāib ani’l-meclis İse v. Delot v. Marat nâm zimmî zimmetinde ber-mûceb-i temessük elli beş guruş hakkıma mesfûr Simyon bi’l-emr ve’l-kabûl kefâlet-i sahîha-i şer‘iyye ile kefîl olmağla meblağ-ı mezbûru mesfûr Simyon’dan kefâlet-i mezkûresine binâen taleb ederim deyü ba‘de’d-da‘vâ ve’l-inkâr müdde‘î-i mersûm Yasef ber-vech-i muharrer müdde‘âsını beyâna kādir olmayıp talebiyle mesfûr Simyon zimmîye vech-i şer‘î üzere yemîn verilmeğin mûcebince müdde‘î-i mersûm Yasef bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 29 min-Zilhicce sene 1152.