Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 422 Hüküm no: 486 Orijinal metin no: [65b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Etrafına rahatsızlık veren Derviş İbrahim’in handan çıktığı Ma‘rûz Ashâb-ı arzuhâl beledî döşek ve yasdık ve dokuyucu esnafından kethüdâları el-Hâc Halil b. Mehmed ve ustalarından Halil b. Mustafa ve Süleyman b. el-Hâc Yusuf ve Hasan b. Murtaza ve İsmail b. Bayram ve Ahmed b. el-Hâc Mehmed ve Mustafa b. Ebubekir nâm kimesneler Bâb Mahkemesi’nde meclis-i şer‘de derûn-ı arzuhâlde mezkûrü’l-ism Derviş İbrahim b. Halil mahzarında mezbûr İbrahim esnafımız ustalarından olup Çukur Çeşme kurbünde vâki‘ kârhânemiz olan hanın bir odasında mezbûr Derviş İbrahim sâkin olmağla mezbûr Derviş İbrahim beynimizde verilen nizâm-ı kadîmimize mugāyir vaz‘ u hareket etmekle nizâmımıza halel verir bed lisânından vücûhla emniyet ve râhatımız yokdur deyü teşekkî eylediklerinde ol dahi rızâsıyla han-ı mezkûrdan çıkıp min-ba‘d umûr ve nizâmlarına aslâ müdâhale etmemek üzere ta‘ahhüd eyledi huzûr-ı âlîlerine i‘lâm olundu. Fî 28 min-Zilhicce sene 1152.