Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 424 Hüküm no: 491 Orijinal metin no: [65b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kosnik’in Köse Sahak’a borcu olduğu Ma‘rûz Dülbendci tâifesinden Köse Sahak v. Sekyas zimmî Bâb Mahkemesi’nde meclis-i şer‘de Kosnik v. Razon zimmî muvâcehesinde mesfûr Kosnik zimmetinde cihet-i karz-ı şer‘îden yüz yirmi guruş hakkım olmağla taleb ederim deyü da‘vâ ol dahi ber-vech-i muharrer ikrâr etmeğin mûcebince meblağ-ı mezbûr yüz yirmi beş guruşu müdde‘î-i mezbûr Köse Sahak zimmîye edâya mesfûr Kosnik zimmîye tenbîh olunduğu huzûr-ı âlîlerine i‘lâm olundu. Fî 2 min-Muharremi’l-harâm sene 1153.