Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 428 Hüküm no: 500 Orijinal metin no: [66a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kirkor v. Yanko’nun fakir olması sebebiyle kendisinden cizye talep edilmemesi Ma‘rûz İstanbul’da Sofular mahallesi mütemekkinlerinden sâhib-i arzuhâl Kirkor v. Yanko nâm zimmî zâhirü’l-gınâ olmayıp pîr-i fânî ve amel-mânde ve kâr [u] kisbe adem-i iktidârı olmağla suâl ile ta‘ayyüş edip ism-i mâl ıtlâk olunur nesnesi ancak lâbis olduğu köhne libâsına münhasıra ve şurût-ı cizyeye mutâbık mu‘dim ve mu‘sir olduğu ahvâline vukūf-ı tâmmı olan mahalle-i mezbûre ahâlîsinden Mustafa Çelebi b. Hacı Mehmed ve Abdullah Çelebi b. Halil nâm kimesneler alâ-tarîkı’ş-şehâde haberleriyle şer‘an mütehakkık olmağın mesfûr Kirkor cizye talebiyle rencîde olunması meşrû‘ olmadığı huzûr-ı âlîlerine i‘lâm olundu. Fî 5 min-Muharremi’l-harâm sene 1153.