Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 429 Hüküm no: 501 Orijinal metin no: [66b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Mehmed’in musaddef hilalciler esnafının nizamına aykırı harekette bulunmaması Bâ-mühr-i efendi Ma‘rûz Ashâb-ı arzuhâl musaddef hilâlcilerin kethüdâsı Ömer Beşe ve yiğitbaşısı Ahmed Beşe ve ihtiyârlarından on beş nefer müseccelü’l-esâmî kimesneler meclis-i şer‘de Hasan b. Mehmed muvâcehesinde mezbûr Hasan esnafımız erbâbından olup lâkin destûr almış usta değil iken beynimizde verilen nizâ[m]-ı kadîmimize mugāyir vaz‘ u hareket ve yanına şâkird alıp nizâmımızın ihtilâline bâ‘is olmağla men‘ olunması matlûbumuzdur deyü teşekkî eylediklerinde mezbûr Hasan dahi fîmâ-ba‘d düstû[r] alıp usta olmadıkça yanına şâkird almayıp ve nizâmlarına mugāyir vaz‘ u hareket etmemek üzere ta‘ahhüd eyledikde onlar dahi râzılar olup kat‘-ı nizâ‘ eyledikleri huzûr-ı âlîlerine i‘lâm olundu. Fî 5 Muharrem sene 1153.