Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 429 Hüküm no: 502 Orijinal metin no: [66b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Çelebi’nin oğlu Mehmed ve bıçakla yaraladığı Feyzullah arasında sulh bedeli karşılığı anlaşma sağlandığı Bâ-mühr-i efendi Ma‘rûz Mahmiye-i İstanbul’da Salih Paşa mahallesinde sâkin olup on beş yaşında ve bülûğuna mu‘terif olmağla bülûğuna hükmolunan Feyzullah b. Ahmed b. Abdullah meclis-i şer‘de Mustafa Çelebi b. Hacı Mehmed nâm kimesne mahzarında târîh-i i‘lâmdan bir gün mukaddem mezbûr Mustafa Çelebi’nin sulbî sagīr oğlu gāib ani’l-meclis Mehmed mahmiye-i mezbûrede Azebler mahallesinde tarîk-i âmda bi-gayr-ı hakkın amden kalemtraş ile sağ kasığının üst tarafında bir yerden darb ve mu‘âyene olunan vech üzere cerh eyledi deyü eylediğim da‘vâmdan an-inkâr mezbûr Mustafa Çelebi ile yirmi beş guruş bedel-i makbûza vech-i şer‘î üzere sulh olup cerh-i mezkûre ve mâ yahdüsü anhe müte‘allıka da‘vâdan sagīr-i mezbûr Mehmed’in ve babası merkūm Mustafa Çelebi’nin ve vâlidesi gāibetü ani’l-meclis Saliha bt. Abdullah’ın zimmetlerini ibrâ ve ıskāt eyledim deyü ikrâr merkūm Mustafa Çelebi dahi tasdîk edip kat‘-ı nizâ‘ eyledikleri mübâşirleri Mumcu Mehmed Beşe kulları ma‘rifetiyle ba‘de’t-tescîl huzûr-ı âlîlerine i‘lâm olundu. Fî 6 min-Muharremi’l-harâm sene 1153.