Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 430 Hüküm no: 503 Orijinal metin no: [66b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan’ın Yorgi’ye emaneten verdiğini iddia ettiği eşya davasında sulh sağlandığı Bâ-mühr-i efendi Ma‘rûz Sâhib-i arzuhâl Yorgi nâm zimmînin hasmı Hasan nâm kimesne dîvân-ı hazret-i sadrazamîde ma‘kūd-ı meclis-i şer‘de mesfûr Yorgi’nin yedine mecmû‘u yetmiş guruş kıymetli eşyâ-i ma‘lûmemi îdâ‘ ve teslîm etmiş idim, hâlâ yedinde kalmışdır taleb ederim deyü ba‘de’d-da‘vâ ve’l-inkâr müdde‘î-i mezbûr şâhide havâle olunmuş idi, el-hâletü hâzihi merkūm Hasan ber-vech-i muharrer eylediği da‘vâ-yı mezkûresinden on beş guruş bedel-i makbûza vech-i şer‘î üzere merkūm Yorgi ile an-inkâr sulh olup husûs-ı mezbûra müte‘allıka âmme-i da‘vâdan her biri âharın zimmetini ibrâ-i âm ile ibrâ ve ıskāt edip kat‘-ı nizâ‘ eyledikleri huzûr-ı âlîlerine i‘lâm olundu. Fî 25 min-Zilhicceti’ş-şerîfe sene 1152.