Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 431 Hüküm no: 505 Orijinal metin no: [66b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Halil’e verilen küçük çocuğun vefat ettiğinin anlaşıldığı Bâ-mühr-i efendi Ma‘rûz Sâhib-i arzuhâl Hasan meclis-i şer‘de derûn-ı arzuhâlde mastûrü’l-ism Fâtıma muvâcehesinde bundan akdem üç aylık sulbî sagīr oğlum Hüseyin’i Cebecibaşı zevcesine vermek üzere yedimden ahz ve tağyîb eyledi deyü da‘vâ ol dahi cevâbında mezbûr Hasan’ın izin ve rızâsıyla sagīr-i mezbûru işbu el-Hâc Mehmed b. Halil nâm kimesneye teslîm eylediğimde ol dahi ahz ve birkaç gün mürûrunda bi-emrillâhi te‘âlâ hatfe enfihî sagīr-i mezbûr vefât eyledi hattâ işbu hâzır bi’l-meclis İmâm el-Hâc Mustafa Efendi meyyitini mu‘âyene ve gasl dahi eyledi dedikde babası mezbûrun muvâcehesinde mezbûrân el-Hâc Mehmed ve İmâm Mustafa Efendi ber-vech-i muharrer sagīr-i mezbûrun mevtini ihbâr eylediklerinde mezbûr Hasan dahi merkūmûnu tasdîk edip kat‘-ı nizâ‘ eyledikleri bi’l-iltimâs huzûr-ı âlîlerine i‘lâm olundu. Fî 7 min-Muharremi’l-harâm sene 1153.