Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 432 Hüküm no: 509 Orijinal metin no: [67a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eşyasını annesi Ayşe’ye satan Hanife’nin eşyaları teslim etmesi Sâhibe-i arzuhâl Âişe nâm hatun zâtı ba‘de’t-ta‘rîfi’ş-şer‘î dîvân-ı hazret-i sadrazamîde ma‘kūd-ı meclis-i şer‘de derûn-ı arzuhâlde ismi mastûr kızı olup kezâlik zâtı ta‘rîf-i şer‘î ile mu‘arrefe olan Hanife nâm hatun muvâcehesinde mezbûre Hanife bin yüz kırk sekiz senesinde işbu yedimde olup feth ü kırâet olunan bir kıt‘a hüccet-i şer‘iyye mantûkunca eşyâ-i ma‘lûmesini bi-safkatin vâhidetin bey‘-i bâtt-ı sahîh-i şer‘î ile yedi yüz guruş semen-i makbûza bana bey‘ etmiş idi, hâlâ eşyâ-i merkūme kızım mezbûrenin yedinde kalmışdır taleb ederim deyü da‘vâ ol dahi ikrâr lâkin bey‘-i mezkûr muvâza‘aten olmuşdu deyü eylediği da‘vâ-yı def‘ine ityân-ı beyyineden ızhâr-ı acz ile bi’t-taleb mezbûre Âişe ba‘de’t-tahlîfi’ş-şer‘î mûcebince eşyâ-i mezkûreyi müdde‘iye-i mezbûreye teslîme merkūme Hanife’ye tenbîh olunduğu huzûr-ı âlîlerine i‘lâm olundu. Fî 9 min-Muharremi’l-harâm sene 1153.