Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 433 Hüküm no: 510 Orijinal metin no: [67a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Takser’in ev kirasından olan borcunu Mardıros’a ödemesi Bâ-mühr-i efendi Ma‘rûz Dîvân-ı âlî çavuşlarından Ali Çavuş mübâşeretiyle Bâb Mahkemesi’ne ihzâr olunan Mardıros zimmînin hasmı Takser zimmî meclis-i şer‘de merkūm Mardıros zimmetinde menzil icâresinden on senede müctemi‘ yetmiş beş guruş hakkım olmağın taleb ederim deyü da‘vâ ol dahi ber-vech-i muharrer ikrâr lâkin meblağ-ı mezbûru tamâmen kendüye edâ ve teslîm eyledim deyü ba‘de’d-def‘ ve’l-inkâr dâfi‘-i mezbûr Mardıros zimmî def‘-i mezkûrunu beyâna kādir olmayıp bi’t-taleb merkūm Takser zimmîye yemîn verildikde mûcebince meblağ-ı mezbûr yetmiş beş guruşu müdde‘î-i merkūm Takser zimmîye edâ ve teslîme mezbûr Mardıros’a tenbîh olunduğu huzûr-ı âlîlerine i‘lâm olundu. Fî 9 min-Muharrem sene 1153.