Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 434 Hüküm no: 512 Orijinal metin no: [67a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Hüseyin’in hayatta iken diğer Hüseyin’e sattığı dükkânda Bakkal Hüseyin’in kardeşi Mustafa’nın bir hakkı olmadığı Mustafa b. Şa‘bân nâm kimesne meclis-i şer‘de Muhzır Mustafa mübâşeretiyle Bâb Mahkemesi’ne ihzâr olunan Hüseyin nâm kimesne muvâcehesinde bundan akdem vefât eden hasren vârisi olduğum li-ebeveyn karındaşım Bakkāl Hüseyin hayâtında mahmiye-i İstanbul’da Karaki kapısı kurbünde vâki‘ müste’ciri olduğu bakkāl dükkânında mevcûde mâlı olan âlât ve eşyâ-i ma‘lûmesini semen-i ma‘lûme hâzır bi’l-meclis İbrahim nâm kimesneye bey‘ ve teslîm ol dahi iştirâ ve tesellüm ve merkūm Hüseyin’e semen-i ma‘lûma bey‘ ve teslîm eylediğinde merkūm Hüseyin dahi iştirâ ve tesellüm ve dükkân-ı mezbûru hâzır bi’l-meclis sâhiblerinden istîcâr ve kabûl etmiş idi, hâlâ dükkân-ı mezbûrun gediği benim olmağla ben sâkin olurum mezbûr Hüseyin dükkân-ı mezbûrdan kasr-ı yedine tenbîh olunmak matlûbumdur deyü eylediği da‘vâsı meşrû‘a olmayıp merkūm Hüseyin’e suâl dahi teveccüh etmediği huzûr-ı âlîlerine i‘lâm olundu. Bâkī emr men-lehü’l-emrindir. Fî 10 min-Muharremi’l-harâm sene 1153.