Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 434 Hüküm no: 513 Orijinal metin no: [67a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un kendisine bakmak şartıyla mallarını Zeyneb Hanım’a satıp bir miktar parayı da hibe ettikten sonra bu anlaşmadan vazgeçtiğinden paranın iadesi Ma‘rûz Sâhibe-i arzuhâl Fâtıma Hatun zâtı ba‘de’t-ta‘rîfi’ş-şer‘î meclis-i şer‘de derûn-ı arzuhâlde mastûrü’l-ism olup kezâlik zâtı ta‘rîf-i şer‘î ile mu‘arrefe olan Zeyneb Hatun muvâcehesinde bundan akdem beni olanca görüp gözetmek ve beslemek şartıyla mâlımdan eşyâ-i ma‘lûmemi beş yüz guruşa mezbûre Zeyneb’e bey‘ ve semeninden ibrâ ve nakid yüz dört guruşumu hîbe ve teslîm etmiş idim, hâlâ şart-ı mezkûrun fesâdına binâen zikr olunan eşyâ ve nakdi geri taleb ederim deyü eylediğim da‘vâmdan altmış beş guruş bedel üzerine merkūme Zeyneb ile ber-nehc-i şer‘î sulh olup bedel-i mezkûru işbu târîh-i i‘lâmdan otuz bir gün tamâmında edâ etmek üzere bi’t-terâzi temhîl eyledim dedikde ol dahi tasdîk ve kabûl ve bedel-i mezkûr altmış beş guruşu müddet-i mezbûre tamâmında merkūme Fâtıma’ya edâya ta‘ahhüd eylediği Bâb Mahkemesi’nde ba‘de’t-tescîl huzûr-ı âlîlerine i‘lâm olundu. Fî 13 min-Muharremi’l-harâm sene 1153.