Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 337 Hüküm no: 490 Orijinal metin no: [73a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Süleyman’ın arpa bahasından borcu olduğu İşbu râfi‘u’l-kitâb Süleyman b. Mehmed nâ[m] kimesne meclis-i şer‘-i şerîfde Mehmed b. Süleyman nâ[m] kimesne mahzarında üzerine da‘vâ ve takrîr-i kelâm edip mezbûr Mehmed zimmetinde yedimden müşterâ ve makbûz arpa bahâsından bin iki yüz elli akçe hakkım olup taleb eylediğimde vermede ta‘allül eder suâl olunup alıverilmesi matlûbumdur dedikde gıbbe’s-suâl mezbûr Mehmed cevâbında fi’l-vâki‘ müdde‘î-i mezbûra vech-i muharrer üzere arpa bahâsından bin iki yüz elli akçe vâcibü’l-edâ deynim vardır deyü bi-tav‘ihi ikrâr u i‘tirâf etmeğin mûcebince meblağ-ı mezbûru müdde‘î-i merkūma edâ ve teslîme mezbûr Mehmed’e tenbîh olunup mâ-hüve’l-vâki‘ bi’t-taleb ketb olundu. Fi’l-yevmi’l-âşir min-Zilka‘deti’ş-şerîfe li-sene erba‘a ve sittin ve elf. Şuhûdü’l-hâl: İbrahim Çelebi b. Davud, el-Hâc Şa‘ban, Rıdvan b. Abdullah, Hüseyin Çelebi b. Abdullah ve gayruhum.