Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 439 Hüküm no: 523 Orijinal metin no: [68a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia Hatun’un ayıbı sebebiyle iade ettiği Rahime adlı cariyenin Küçük Mustafa’ya satıldığı Ma‘rûz Mahmiye-i İstanbul’da Sultan Selim Câmi‘-i şerîfi civârında sâkine fahrü’l-muhadderât Şerife Râbia Hatun tarafından husûs-ı âti’l-beyânda sâbitü’l-vekâle vekîli Molla Mehmed meclis-i şer‘de el-Hâc Süleyman nâm kimesne muvâcehesinde müvekkilem mezbûrenin bundan akdem merkūm el-Hâc Süleyman’dan yüz altmış guruş semen-i medfû‘a sâlime ani’l-uyûb iştirâ ve kabz eylediği bir re’s Arab Rahime nâm câriye şer‘an mûcib-i red ayıb-ı kadîm ile mu‘ayyebdir deyü bi’l-vekâle ba‘de’d-da‘vâ vekîl-i mezbûr câriye-i merkūmeyi yüz kırk beş guruş semen-i makbûza işbu hâzır bi’l-meclis Küçük el-Hâc Mustafa’ya bi’l-vekâle bey‘ ve teslîm edip kat‘-ı nizâ‘ eyledikleri mübâşirleri Mumcu İbrahim Beşe ma‘rifetiyle Bâb Mahkemesi’nde ba‘de’t-tescîl huzûr-ı âlîlerine i‘lâm olundu. Fî 14 min-Muharremi’l-harâm sene 1153.