Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 443 Hüküm no: 531 Orijinal metin no: [68b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Efendi’nin varislerinin Haçador’daki vakıf ev ücretinden alacakları konusunda sulh sağlandığı Ma‘rûz Nüzûl kâtibi müteveffâ Ahmed Efendi b. Mustafa’nın vârisi li-ebeveyn er karındaşı Molla Abdullah ile kız karındaşı Ümmügülsüm Hatun’a münhasıra olduğu lede’ş-şer‘i’l-enver müte‘ayyen ve mütehakkık oldukdan sonra merkūm Molla Abdullah asâleten ve mezbûre Ümmügülsüm’ün zevci ve vekîl-i şer‘îsi Molla Musa Bâb Mahkemesi’nde meclis-i şer‘de Muhzır Ali mübâşeretiyle ihzâr ettirdikleri Haçador zimmîden Süleyman Subaşı Vakfı’ndan Ali Paşa mahallesinde vâki‘ ma‘lûmü’l-hudûd vakıf menzil bedelinden ber-mûceb-i i‘lâm mâl-ı mevrûsları olmak üzere iddi‘â eyledikleri seksen beş guruşu tavassut-ı muslihîn ile asâleten ve vekâleten altmış beş guruş bedel-i makbûza mesfûr Haçador ile sulh olup mâ‘adâya müte‘allıka âmme-i da‘vâdan mesfûrun zimmetini bi’l-asâle ve bi’l-vekâle ibrâ ve ıskāt edip ol vechile kat‘-ı nizâ‘ eyledikleri ba‘de’t-tescîl huzûr-ı âlîlerine i‘lâm olundu. Fî 16 Muharrem sene 1153.