Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 444 Hüküm no: 533 Orijinal metin no: [68b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Huri’nin Saltana’ya olan borcunu taksitle ödeyeceği Bâ-mühr-i efendi Saltana nâm Nasrâniye ba‘de’t-ta‘rîfi’ş-şer‘î meclis-i şer‘de sâhibe-i arzuhâl Huri Nasrâniye muvâcehesinde beynimizde ma‘lûm eşyâ semeninden mesfûre Huri zimmetinde hakkım olan yetmiş beş guruşu hâlâ ve def‘aten edâya iktidârı olmayıp taksîte tâlibe olmağla ben dahi târîh-i i‘lâmdan her otuz gün tamâmında elli para vermek üzere mesfûre Huri’yi taksît eyledim dedikde ol dahi deyn-i mezkûru ber-vech-i muharrer-i müeccel edâya ba‘de’t-ta‘ahhüd meblağ-ı mukassat-ı mezbûra mesfûre Huri’nin sadrî kebîr oğulları hâzırân bi’l-meclis Karabet ve Serkiz nâm zimmîler kefîl oldukları ba‘de’t-tescîl huzûr-ı âlîlerine i‘lâm olundu. Bâkī emr ü fermân men-lehü’l-emrindir. Fî 18 min-Muharremi’l-harâm sene 1153.