Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 444 Hüküm no: 534 Orijinal metin no: [69a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah b. Abdullah’ın vefat eden Ahmed’deki alacağını varisinden talep ettiği Abdullah b. Abdullah nâm kimesne meclis-i şer‘de Mumcu Numan Beşe mübâşeretiyle Bâb Mahkemesi’ne ihzâr olunan el-Hâc Mustafa b. Hamza muvâcehesinde bundan akdem vefât eden el-Hâc Ahmed b. Abdullah’ın hayâtında zimmetinde bir re’s katır semeninden elli guruş ve cihet-i ücretden yüz guruş ki cem‘an bana deyni olan yüz elli guruşu kable’l-edâ vefât etmekle mevlâ-yı utekāsı ve hasren vârisi ve tereke-i vâfiyesine vâzı‘u’l-yed olan mezbûr el-Hâc Mustafa deyn-i mezkûru ikrâr dahi etmişdir, taleb ederim deyü da‘vâ ol dahi ber-vech-i muharrer ikrâr eylediğini i‘tirâf lâkin kaziben ikrâr etmiş idim deyüp mezbûr el-Hâc Mustafa tâlib-i tahlîf dahi olmayıp mûcebince meblağ-ı mezbûr yüz elli guruşun edâsına mezbûr el-Hâc Mustafa’ya tenbîh olunduğu huzûr-ı âlîlerine i‘lâm olundu. El-emru li-men-lehü’l-emr. Fî 19 min-Muharrem sene 1153.