Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 447 Hüküm no: 541 Orijinal metin no: [69b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Evreşe kazasında bulunan Osman Efendi’nin İstanbul’a dönüşünde yolda zorluk çıkarılmaması Sâhib-i arzuhâl Osman Efendi an-asl İstanbul’da Derviş Ali mahallesinde sâkin olup Galata’dan ma‘zûl fazîletlü Sunullah Efendi dâ‘îlerinin arpalığı olan Evreşe kazâsına tâbi‘ olup kazâ-i merkūma haremi ile gidip bin yüz elli üç Saferi’l-hayrı gurresinden kazâ-i merkūmeden ma‘zûl olup hâl minvâl-i muharrer üzere olduğunu mahalle-i merkūme ahâlîsinden mevsûk ve mu‘temed müseccelü’l-esâmî yedi nefer kimesne meclis-i şer‘de ihbâr etmeleriyle mezbûr Osman Efendi Âsitâne-i sa‘âdete avdetinde ehli ve bir nefer câriyesi ile mürûruna Çekmece’de ve sâir mahallerde kimesne mürûruna mümâna‘at etmemek üzere hükm-i hümâyûnum ricâsında olduğu Bâb Mahkeme[sin]de tescîl ve huzûr-ı âlîlerine i‘lâm olundu. Fî 22 min-Muharrem sene 1153.