Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 448 Hüküm no: 542 Orijinal metin no: [69b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Hasan’ın varislerinden Halil’in, müteveffanın koynundan altınlarını aldığı yolundaki Mehmed’in iddiasının ispatlanmadığı Ma‘rûz <> Mumcu Mehmed Beşe mübâşeretiyle Bâb Mahkemesi’nde bi’t-terâzi ihzâr olunan sâhib-i arzuhâl Mehmed’den İstanbul’da İskender Ağa mahallesinde vâki‘ Bey Hamamı dellâklerinden müteveffâ Hasan’ın li-ebeveyn er karındaşı oğlu Halil meclis-i şer‘de mezbûr Mehmed muvâcehesinde müteveffâ-yı mezbûrun verâseti bana ve gāibân ani’l-meclis karındaşlarım Murtaza ve Salih nâm kimesnelere münhasıra olmağla müteveffâ-yı mezbûrun hîn-i fevtinde yanında bulunmağın koynundan yirmi beş zer-i mahbûb altınını bi-gayr-ı hakkın ahz ü ihfâ etmekle hisse-i irsiyemi taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsını beyâna kādir olmayıp bi’t-taleb mezbûr Mehmed’e vech-i şer‘î üzere yemîn verilmeğin mûcebince müdde‘î-i mezbûr Halil bilâ-beyyine bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 22 min-Muharrem sene 1153.