Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 448 Hüküm no: 543 Orijinal metin no: [69b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun’un boşandığı kocası Mustafa Beşe’den alacağı konusundaki davaya sulh bedeli karşılığı son verildiği Ma‘rûz Kapı kethüdâsı Hüseyin Beşe mübâşeretiyle Bâb Mahkemesi’ne ihzâr olunan Mustafa Beşe’nin hasmı zevce-i mutallakası Hadîce bt. Mustafa nâm hatun zâtı ba‘de’t-ta‘rîf meclis-i şer‘de mezbûr Mustafa Beşe mahzarında mezbûr Mustafa Beşe zevcim olup bundan akdem beni bâyinen tatlîk etmekle zimmetinde mütekarrer ve ma‘kūdün-aleyh beş guruş mehr-i müeccelim ile cihet-i karzdan dahi yüz guruş ve bir guruş kıymetli bir yorgan ki cem‘an yüz altı guruş hakkım zimmetinde kalmağla meblağ-ı mezbûru Mustafa Beşe’den taleb ederim deyü tasaddî eylediğim da‘vâmdan tavassut-ı muslihîn ile üç guruş ve bir rub‘ guruşa sulh olup mâ‘adâsına ve târîh-i i‘lâma gelince âmme-i da‘vâdan her birimiz âharın zimmetini ibrâ ve ıskāt eyledik deyü ikrârı ba‘de’t-tasdîk tescîl ve huzûr-ı âlîlerine i‘lâm olundu. Fî 22 Muharrem sene 1153.