Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 339 Hüküm no: 493 Orijinal metin no: [73b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin cariyesini kitâbet ile azat ettiği Mahmiye-i Kostantıniyye mahallâtından Baba Hasan Mahallesi sâkinlerinden Mehmed Beşe b. Abdullah nâm kimesne meclis-i şer‘-i şerîf-i enverde takrîr-i kelâm edip kendüye rıkkını mu‘terife olup Moskoviyyü’l-asl kasrü’l-kāde, Nazeni bt. Abdullah nâm câriye-i memlûkesini bundan akdem iki bin beş yüz akçe kitâbete kesip mâl-ı kitâbeti edâ eylemeğin mezbûreyi hasbeten lillâhi te‘âlâ ve hasbeten li-rûhi rasûlihi’l-mu‘allâ mâlımdan âzâd ve i‘tâk ve silk-i mülkümden ıtlâk eyledim, ba‘de’l-yevm mezbûre Nazeni sâir harâir-i asliyyât gibi hürre olup üzerinde hakk-ı velâdan gayrı bir şey hakkım kalmadı dedikde gıbbe’t-tasdîkı’ş-şer‘î bi’t-taleb ketb olundu. Tahrîren fi’l-yevmi’r-râbi‘ min-Zilka‘deti’ş-şerîfe li-sene erba‘a ve sittin ve elf. Şuhûdü’l-hâl: Mehmed Efendi b. Hamza, Yusuf b. Abdullah el-müezzin, es-Seyyid Mahmud b. ( ) an-mahalleti’l-mezbûre, Rıdvan b. Abdullah.