Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 450 Hüküm no: 546 Orijinal metin no: [69b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Oksoz adlı zimmi fakir olduğundan cizye talebinde bulunulmaması Ma‘rûz Erzurum kazâsı ahâlîsinden sâhib-i arzuhâl Oksoz nâm zimmî zâhirü’l-gınâ olmayıp alîl ve amel-mânde ve kâr [u] kisbe adem-i iktidârı olmağla suâl ile ta‘ayyüş edip ism-i mâl ıtlâk olunur nesnesi ancak lâbis olduğu köhne libâsına münhasıra ve şurût-ı cizyeye mutâbık mu‘dim ve mu‘sir olduğu ahvâline vukūf-ı tâmmı olan kazâ-i mezbûr ahâlîsinden Dikici Ömer b. Hasan ve Halil b. Mustafa ve Hüseyin b. Ali ve Halil b. Ömer nâm kimesneler cizyedâr kolcusu Mustafa Beşe muvâcehesinde alâ-tarîkı’ş-şehâde haber vermeleriyle mesfûr Oksoz zimmî şer‘an cizye talebiyle rencîde olunmaması meşrû‘ olduğu huzûr-ı âlîlerine i‘lâm olundu. Fî 23 min-Muharrem sene 1153.