Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 451 Hüküm no: 548 Orijinal metin no: [70a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şeyh Muhyiddin b. Musa el-Fakıh el-Kocavî Vakfı’nda nezaret vazifesi olan Hasan’ın beratının yenilendiği İstanbul’da Şeyh Muhyiddin b. Musa el-Fakıh el-Kocavî Vakfı’ndan olmak üzere yevmî iki akçe nezâret vazîfesi sâhib-i arzuhâl olup derkenârda mastûrü’l-ism olan es-Seyyid Hasan nâm şâbb-ı emrede hâl-i sıgārında babası es-Seyyid Mehmed b. es-Seyyid Murtaza’nın mahlûlünden tevcîh ve yedine berât-ı şerîf-i âlîşân ihsân olunup hâlâ berâtını zâyi‘ edip cihet-i merkūme vazîfe-i mersûmesiyle mezbûr es-Seyyid Hasan’ın üzerinde ve mezbûr es-Seyyid Hasan müteveffâ-yı mezbûr es-Seyyid Mehmed b. es-Seyyid Murtaza’nın sulbî oğlu olduğunu sikāt-ı Müslimîn ve ulemâdan beş nefer müseccelü’l-esâmî kimesneler meclis-i şer‘de ihbâr etmeleriyle mezbûr es-Seyyid Hasan zâyi‘den yedine berât-ı şerîf-i âlîşân sadaka ve ihsân buyrulmak üzere istirhâm ettiği Bâb Mahkemesi’nde tescîl ve huzûr-ı âlîlerine i‘lâm olundu. Bâkīyü’l-emr li-men-lehü’l-emr. Fî 24 min-Muharrem sene 1153.