Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 451 Hüküm no: 549 Orijinal metin no: [70a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in boşanmış olduğu karısı Hatice’ye borcunu ödemesi Ma‘rûz Muhzır Süleyman mübâşeretiyle Bâb Mahkemesi’nde ihzâr olunan Mehmed’in hasmı zevce-i menkûhası Hadîce bt. Mustafa nâm hatun zâtı ba‘de’t-ta‘rîfi’ş-şer‘î meclis-i şer‘de mezbûr Mehmed mahzarında mezbûr Mehmed zimmetinde cihet-i karz-ı şer‘îden yüz yirmi guruş hakkım olmağla taleb ederim deyü da‘vâ eyledikde ol dahi ber-vech-i muharrer zevcesi müdde‘iye-i mezbûre Hadîce Hatun’a cihet-i mezkûreden ol mikdâr deyni olduğunu ikrâr ve i‘tirâf etmeğin mûcebince meblağ-ı mezbûr yüz yirmi guruşu müdde‘iye-i mezbûre Hadîce Hatun’a edâ ve teslîme mezbûr Mehmed’e tenbîh olunduğu tescîl ve huzûr-ı âlîlerine i‘lâm olundu. Fî 24 min-Muharrem sene 1153.