Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 451 Hüküm no: 550 Orijinal metin no: [70a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Buğdaycı Yorgi’nin Akdeniz’den İstanbul’a getirdiği buğdayın nakline engel olunmaması Bâ-mühr-i efendi Ma‘rûz Sâhib-i arzuhâl buğdaycı tâifesinden Yorgi zimmî Bahr-i sefîd havâlîsinden mâlı ile iştirâ ve derûn-ı arzuhâlde mastûr Kestanbolu nâm mahalde der-anbâr eylediği bin sekiz yüz keyl hıntasını Âsitâne-i sa‘âdetde kapan-ı dakīka nakline gemiciler yiğitbaşısı es-Seyyid Süleyman ve ekmekciler kethüdâsı Mehmed ve ustalarından el-Hâc Hasan ve İbrahim ve el-Hâc Ali ve sâir cerîdede mazbûtü’l-esâmî Müslimîn ve zimmîler kefîller olmalarıyla ber-vech-i muharrer nakline mümâna‘at olunmamak üzere fermân-ı âlî iltimâs eyledikleri huzûr-ı âlîlerine i‘lâm olundu. Fî 24 min-Muharrem sene 1153.