Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 454 Hüküm no: 555 Orijinal metin no: [70b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Timar sahibi olan Hüseyin’in topraklarına dönmesini istediği Bağdasar ve Agob’un on sekiz senedir İstanbul’da yaşadıkları Vilâyet-i Anadolu’da Arabgir sancağında Eğin kazâsında vâki‘ Eski Arabgir nâm timâra mutasarrıf olan sâhib-i arzuhâl Hüseyin Sipâhi bi’t-terâzi Bâb Mahkemesi’nde meclis-i şer‘de derûn-ı arzuhâlde mezkûr Bağdasar nâm Ermeni muvâcehesinde mersûm Bağdasar ile karındaşı Agob nâm Ermeniler mârrü’z-zikr timârımın ra‘iyyet ve ra‘iyyetim oğullarından olup henüz Âsitâne’ye geleli on seneyi mürûr ve tecâvüz etmemekle mezbûrları vatan-ı asliyyelerine nakillerin taleb ederim deyü ba‘de’d-da‘vâ ve’l-istintâk mezbûrân Bağdasar ve Agob cevâblarında bizler Âsitâne-i aliyyeye vatan-ı asliyyemizden nakl edeli on sekiz sene olup hattâ mezbûr Hüseyin Sipâhi’nin timâr-ı merkūmda şerîki Halil Sipâhi bundan mukaddem mahfil-i şer‘iyyâtda mürâfa‘a olduğumuzda bizlerin Âsitâne-i aliyyede meksimiz on sekiz sene olduğunu ikrâr ettikden mâ‘adâ minvâl-i muharrer üzere şâhidlerimiz vardır deyü ba‘de’d-def‘ mezbûr Hüseyin Sipâhi mezbûrân Bağdasar ve Agob ile aslâ ve kat‘â da‘vâ ve nizâ‘ımız yokdur deyü ikrâr ettiği ba‘de’t-tescîl huzûr-ı âlîlerine i‘lâm olundu. Fî 25 min-Muharrem sene 1153.