Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 460 Hüküm no: 565 Orijinal metin no: [71a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine Hatun’a vurmasıyla çocuğunu düşürmesine sebep olan Saliha’ya açılan davadan vazgeçilerek zimmeti ibra edildiği Ma‘rûz Arzuhâl eden Havva Hatun’un oğlu ve arzuhâlde ismi mezkûr Mustafa nâm kimesne kendi tarafından asâleten ve zevcesi Emine hatun tarafından vekâleten Bâb Mahkemesi’nde meclis-i şer‘de derûn-ı arzuhâlde mezkûretü’l-ism Saliha Hatun muvâcehesinde mezbûr Saliha dört gün mukaddem Haraccı Muhyiddin mahallesinde sâkin olduğum menzilime girip zevcim mezbûre Emine’nin üzerine darb kasdıyla hücûm ve tahvîf etmekle zevcem Emine Hatun havfından nâşî üç aylık bir cenîn meyyit ilkā eyledi deyü tasaddî eylediği da‘vâsından bi’l-asâle ve bi’l-vekâle mezbûre Saliha Hatun’un zimmetini ibrâ ve ıskāt edip bu vechile kat‘-ı nizâ‘ eyledikleri bi’t-terâzi tescîl ve huzûr-ı âlîlerine i‘lâm olundu. Fî 2 S sene 1153.