Bab Mahkemesi 172 Numaralı Sicil (H. 1152-1153 / M. 1740) cilt: 69, sayfa: 460 Hüküm no: 566 Orijinal metin no: [71b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin Mehmed Odabaşı’ya olan borcunu ödemesi Dergâh-ı âlî yeniçerilerinin ikinci bölük mütevellîsi Mehmed Odabaşı Bâb Mahkemesi’nde meclis-i şer‘de Mumcu Mehmed Beşe mübâşeretiyle ihzâr ettirdiği kapı kethüdâsı Mehmed Beşe mahzarında mezbûr Mehmed Beşe zimmetinde mütevellîsi olduğum mâl-ı vakf-ı mezbûrdan yüz guruş ve devr-i şer‘îden dahi on beş guruş ki cem‘an yüz on beş guruş mezbûr Mehmed Beşe’den bi’t-tevliye taleb ederim deyü da‘vâ eyledikde ol dahi ancak yüz guruş deyni olduğunu ikrâr mâ‘adâyı inkâr etmeğin mûcebince ikrârı mertebesi olan meblağ-ı mezbûr yüz guruşu mütevellî-yi mezbûr Mehmed Odabaşı’ya edâ ve teslîme mezbûr Mehmed Beşe’ye ba‘de’t-tenbîh ziyâde müdde‘âsı’çün mütevellî-yi mezbûr beyâna havâle olunduğu huzûr-ı âlîlerine i‘lâm olundu. Fî 27 min-Muharremi’l-harâm sene 1153.